Сенароден протест „Ултиматум – не благодарам“

Македонија не е на продажба! – објави лидерот на ВМРО-ДПМНЕ на социјалните мрежи.

Раководството на ВМРО-ДПМНЕ предводено од Мицкоски и денеска го поддржа сенародниот протест против францускиот предлог кој се одржува пред Владата.

Протестот се одржува под мотото „УЛТИМАТУМ – Не благодарам“. Според учесниците, негирањето на правото на самоопределување и условувањето на македонските европски интеграции со прифаќањето еднострано бришење на културната и историската посебност и еднострано непризнавање на јазикот, не е дел од критериумите за членство во ЕУ ниту правило меѓу државите членки.