Земјата со недели се соочува со троцифрени бројки на новозаразени од Ковид-19 на дневна основа, а бројот на починати од почетокот на пандемијата до денеска изнесува 302 лица, откако вчера беа регистрирани нови 4 смртни случаи.

Заклучно со вчерашните податоци, само вчера беа потврдени 126 новозаразени од Ковид-19. Бројот на активни случаи во Македонија порасна на 3.557, од кои 2.007 се од Скопје.

Вкупната бројка на ковид-дијагностицирани во нашата земја од почетокот на епидемијата изнесува 6.334, а досега оздравеа 2475 лица.

Вчера, Европската Унија објави список на 15 земји чии жители се сметаат за безбедни и ќе им биде дозволен влез во Унијата од денеска, а меѓу нив не е и Македонија.

ЕУ ќе ги отвори границите за Србија, Црна Гора, Канада, Алжир, Тунис, Австралија, Нов Зеланд, Грузија, Јапонија, Мароко, Руанда, Јужна Кореја, Тајланд и Уругвај. Кинезите исто така ќе можат да влезат во ЕУ, но само доколку Кина објави дека ќе прифати и европски посетители.

На листата не се наоѓаат САД, Бразил и Русија. Ова се земји со најголем апсолутен број случаи во светот и каде епидемијата е сè уште во пораст, со голем број случаи многу повисоки од просекот на ЕУ (16 случаи на 100.000 жители во првата недела на јуни). Покрај Катар, кој има најголем број случаи по глава на жител од која било друга земја, испаднаa и Турција, Албанија и Северна Македонија.

Мерката не е правно обврзувачка – крајната одговорност за граничната политика им припаѓа на земјите членки.

Се очекува spisokot да се ажурира на секои две недели, во зависност од епидемиолошките карактеристики на земјите кандидати за трети земји и други фактори (реципроцитет, соодветност на тест број, способности за следење и ограничување на нови појава на вируси).