Актерката и пејачка Барбра Стрејсенд има постојана нова инсталација во Филмскиот музеј на Академијата во Лос Анџелес- мост со нејзиното име.

Музејот неодамна го претстави мостот Барбра Стрејсенд, кој се протега помеѓу нејзината историска зграда Сабан и новата зграда Сфера. И ѕвездата е почестена од истоимената структура.

„Сакам мостови, бидејќи мостовите не поврзуваат, исто како што приказните што ги кажуваме во филмовите не поврзуваат и не водат кон подлабоко разбирање на животот на другите луѓе, како и на нашиот“, вели 79 -годишната Стрејсенд во изјава за „Пипл“. „За мене беше важно да бидам дел од музеј што ја слави историјата на филмовите и се надевам дека ќе ги инспирира идните филмаџии.

Минатиот месец, на гала-отварањето на новиот Музеј присуствуваа ѕвезди, од Лејди Гага и Шер до Мег Рајан и Том Хенкс.

Новиот комплекс од 300.000 квадратни метри го дизајнираше славниот архитект Ренцо Пијано.

„Треба да славиме се што овој град му го донесе на светот. Крајниот резултат ги надминува нашите соништа за десет пати “, рече Хенкс кога излезе на сцената. „Така ми изгледа оваа зграда, најголемиот светски магичен фенер што ќе не пренесе во друг свет“.